Playcast

Открытка (плейкаст) «"Элекçей Тимеш хĕрĕ – Тутиел кинĕ" Алина Тайпи»

galina_de_bua , 8 марта 2013 года, 5:01


"Элекçей Тимеш хĕрĕ – Тутиел кинĕ" Алина Тайпи "Элекçей Тимеш хĕрĕ – Тутиел кинĕ" Алина Тайпи

Алина Тайпи

Элекçей Тимеш хĕрĕ – Тутиел кинĕ

    Юратнă кинĕме - Кожевникова (Антонова)
                                 Евгения Лукияновнана

Элекçей Тимеш хĕрĕ – Евкень,

Качча кайрăн Тутиел ялне.

Хуняму та сан Евки иккен,

Килĕштертĕр эсир пĕр-пĕрне.

 

 

Пулас мăшăрна эс пĕр туйра,

Пĕрре курнипех кăмăлларăн.

Çывăхлантăр унпа ташăра,

Тепре курсан – качча та тухрăн.

 

 

Каччу-мĕн каланă амăшне:

-Шăллăм Çарта – ун çуралнă кун,

Ак сана, анне, манран парне!

Хăвăн кинне йышăн та ыр сун.

 

 

Пит сайра пулать вăл пурнăçра:

Хунямушăн - эс хĕр вырăнне.

Ĕç вĕресе тăрать сан алра,

Калаçăву уçать çын чунне.

 

 

Хунямупа та пĕр сăнарлă,

Чăн та, калăн – ун тăван хĕрĕ:

Иксĕр те ялан тараватлă.

Чунтан-вартан сана вăл саврĕ:

 

 

Кĕпесем пачĕ çĕле-çĕле,

Тăхăнтартрĕ - чăн пуканелле.

Çуратрăн эс ывăл тата хĕр:

Çемьене телей кăна кÿрччĕр!

 

 

Мăшăрун аппăшĕ Чĕмпĕртен

Çемьипе килсессĕн хăнана:

-Йăмăк,-терĕ,-тупăнчĕ иккен,

Пурччĕ ман икĕ шăллăм кăна.

 

 

Кÿршĕри чăваш Шуршу ялне

Тĕп килтен тухрăр та уйрăлса,

Салтакран килнĕ шăллăр туйне,

Килтĕн эс тутлă тортсем туса.

 

 

Кунсем иртрĕç, уйăхсем, çулсем...

Вун пилĕк çул иртрĕ шăвăнса,

Пулăшакан пулчĕç ачусем.

Пурнăçăр ялан пытăр ăнса!



Звук:Валентина Телей - Хуняма К себе
Изображение: Кожевникова (Антонова) Евгения Лукияновна
Текст:"Элекçей Тимеш хĕрĕ – Тутиел кинĕ" Алина Тайпи
Тэги: любовь женщина мама стихи весна семья кин свекровь невестка татарстан анне алина тайпи alina taypi хуняма юрату çемье тутиел буинск buinsk tutiel tatarstan

Комментарий автора

 "Элекçей Тимеш хĕрĕ – Тутиел кинĕ" Алина Тайпи